الشاعر المبدع عبدعلي صابر الشامي

ماأنســـــه الجرح علمني اعرف الـــناس
تره مغزر الجـــــــــرح يلرايد تملــــحه
من اشعـــــل جكاره ماأتعب العـــــــــود
شطر بيه ضربه اكتبه يطلع الـــــجدحه
أخلق بلصـــــور وانفخ عليــــهن روح
ومتع ناظري من اعرض الــــــــلوحه
خرز بيدي النجم خط استوائي الخيط
أفر الدنيـــــــه كلهه بفرة السبــــــحه
علمنـــــــي الدمع أقره التكوله العين
ماتــــــاني اللسان يفصل بشــــــرحه
بانيهه العلاقه ويه المنصه بشـــــوك
عروس ومن اطبهه دكوملي بفرحــه
ألاعبهه بمرامي اطيعني شمــــاريد
أحبنهه وتحبني العاقلــــه الوكـــــحه
الصخر كثره النشوفه تارس الوديان
بس قله اليصير بهيـــبة الـــــــرحه
ماعد الربع وكت النفــــــاهه هواي
أعدن بلــــــيتجي بساعة الشـــــحه
صدر البــــيت تنك من جمال البـــــيه
هوســــــله العجز وتلاحـــــكه بردحه
محلات الشعر بعيوني عدهه اسـواق
أغمض بس تظل بداخلي مفتــــــحه
من كد ما أقدس الــشعر من اقـــراه
أاخذ منه رخصه بكلبة الصفــــــــحه
واذا طار الصكر ماكول فظل الريج
أكولن زوده الي وتنـــومس بجنــــحه
انه سلالي المعالي استنكف من الخوص
لان موجود ه ادين بلاحيه وجــــــبحه
ماأسحــــــك أثر بلدرب من امشـــــيه
أحترمـــــه وخاف جدامي تمســـــحه
يجي المظوع طاير ماتكضه صدور
ألزمه وللقـــــــوافي اتقدم بطـــــرحه
عذره افكاري تخجل مااطب صالون
لأن من الله هيه خدودهه متفـــــــحه
بميزاني الهموم تـــــعادل الألهــــــام
السبب ماأرضه تطلع بلوزن شطحه
خطوط جفوف اديه القلم بيهه يدوخ
واذا صار النــزال الورق يتنـــــحه
جمهور الشعر مثل الجبل بلـــــذوق
مايــــهتز مكانه بثــــرثرة سفــــحه
عاشكهه القصيده وبلعشك مفضوح
وكبل اللسانه عينه العاشك تفضحه
تسامرني بعطرهه بحلم وكت النوم
وتكعدني وتحبني بحلكي من اصحه

الشاعر/عبدعلي صابر الشامي